عالم الابراج: توقعات الابراج اليوم الثلاثاء 26 فبراير 2018 مع عالمه الابراج جاكلين عقيقي

لمشاهده توقعات الثلاثاء 26 فبراير 2018 اضغط علي المستطيل بالاسفل مباشره

#الحمل ♈

لقاءات واجواء حلوة بتعيشها مع رفقاتك ..

عم تكون بوضع جيد للعلاقات وانت مميز بحضورك وعم يكون يومك حافل بلقاءات حلوة مع اصدقاء بترتاح معن ممكن كتير تنعزم على اكل او قهوة مع حدا ورح يكون فيك تطلب مساعدة بهاليوم تتلبى بالمجمل لاتبقى لحالك وفكر كيف تعبي وقتك ..

عاطفيا .. عم تقدر تكون مميز بطلتك وعندك جاذبية بين الكل بهيك يوم ..

■النسبة المئوية :

●مهنيا : %78 ●ماليا : %68 ●عاطفيا : %73 ●صحيا : %66

♢ الزهرة بالجدي ♢ : بتمنحك فرص للشهرة للشغل لمنصب مهم لترقية كمان ولتطورات كبيرة بمكانتك الاجتماعية باتجاه الافضل ..

#الثور ♉

قصص عم تشغلك والتزامات بشغل فانتبه ..

العيون عليك وكتار بدون يشوفوك عم تفشل فانتبه وخليك ذكي بهاليوم لان عم تكون على موعد مع مسؤوليات مهمة وجديدة وامور مصيرية حاول تنجز كل شي وانتبه بتعاملك مع المسؤولين عنك وحاول ماتخالف القوانين ورح تنجح وتصل وممكن ترقية او منصب للبعض ..

عاطفيا .. عندك يوم متقلب عم تكون فيه مو مرتاح كتير من تعامل الشريك ..

■النسبة المئوية :

●مهنيا : %72 ●ماليا : %66 ●عاطفيا : %69 ●صحيا : %63

♢ الزهرة بالجدي ♢ : بتمنحك فرص للسفر وللعلاقات الجديدة ولتتعرف على ثقافات غير ويكون في عندك اطلاع كبير بعدة علوم وكمان بكون في فرص لتبدا مشروع جديد وتتحرر من القيود ..

#الجوزاء ♊

حالة من النشاط والحركة والتواصل بتعيشها ..

بتتخلص من كتير من التعب وانت افضل وساحر وعم تكون بيوم داعم بشكل كبير الك بقدملك الفائدة والتطورات الحلوة بسفر او علم جديد او حتى ناس جديدة بتدخل حياتك وبتتعرف عليها مشان هيك كون جاهز وحسن من وضعك العام بكل شي ..

عاطفيا .. قادر بهاليوم تكون محط انظار كتار وتصل للمكان يلي بتطمح الو بعلاقاتك ..

■النسبة المئوية :

●مهنيا : %88 ●ماليا : %84 ●عاطفيا : %89 ●صحيا : %81

♢ الزهرة بالجدي ♢ : بتكون داعم كبير الك لحل قضية قانونية او قصة بتخص اوراق عندك كمان بتدعمك ماليا من قصص الشراكات والميراث وبتمنحك حلول ومصالحات ..

#السرطان ♋

بتتحسن امورك وفي مال وبتحصل على ورقة مهمة ..

حاول تسير الأمور لصالحك بهاليوم وفكر بحلول وكمان هاليوم لتحصل على مال أو لتحل مشكلة كانت قبل بالمجمل عندك يوم أريح وعم تحس انك عم تستعيد عافيتك مشان هيك فكر كيف تصل لصيغة تفاهم مع المحيطين فيك وتحسن وضعك ..

عاطفيا .. يوم افضل عم يكون في مشاعر حلوة وقوية تجاه الشريك وعم تطور العلاقة ..

■النسبة المئوية :

●مهنيا : %67 ●ماليا : %75 ●عاطفيا : %73 ●صحيا : %67

♢ الزهرة بالجدي ♢ : بتحسن الشراكات المهنية والعاطفية عندك وبتساعدك لتحسن علاقتك بالشريك ويمكن تفكر بارتباط عند البعض او حتى عقد شراكة ..

#الأسد ♌

بشوفك عم تمضي عقد او تعمل شراكة او منفعل ومتوتر ..

بعدلي اول شي عن المواجهات واستغل يومك بذكى والأهم فيه انك عم تكتشف ناس على حقيقتها كنت مفكرن أصدقاء وبيطلعوا اعداء انتبه ومرقلي هاليوم لان الكل عم يكون ضدك وفترة وبتمر واذا عندك شراكة جديدة فوت فيها وكمل لكن بحذر ويمكن تمضي عقد مع حدا ..

عاطفيا .. عندك كتير عصبية بهاليوم لكن فرصة لتتم ارتباط او شراكة مع شخص بتحبو وبترتحلو ..

■النسبة المئوية :

●مهنيا : %60 ●ماليا : %63 ●عاطفيا : %66 ●صحيا : %57

♢ الزهرة بالجدي ♢ : بتعزز من علاقاتك بالعمل وبتكون مرتاح اكتر بشغلك وصحيا فيك تحسن من وضعك وتبدا نظام غذائي ورياضة وتبدا شغل جديد كمان ..

#العذراء ♍

كتير قصص لازم تعملها وكمان لازم ترتاح ..

يوم بدو سرعتك المعتادة بالشغل والتنظيم وبنفس الوقت تحاول ترتاح وكون حذر وخلص أمور شغلك بوقتا ولا تهمل الضروري منها بهاليوم وبالمجمل وضعك في ضغط ومسؤوليات بس منيح وكمان اذا مريض لاتخاف مرض مؤقت بس ريح حالك وراعي صحتك ..

عاطفيا .. حاول ماتعتب على حدا واترك الشريك للأيام ولحالو رح يفهمك وقرب وجهات النظر ..

■النسبة المئوية :

●مهنيا : %63 ●ماليا : %59 ●عاطفيا : %62 ●صحيا : %61

♢ الزهرة بالجدي ♢ : من افضل الفترات لتعزز علاقاتك العاطفية او حتى لتنجب طفل وتعتبر الفترة فيها حظ بيدعمك بشكل كبير وبتحس انك بوضع افضل بعلاقاتك ..

#الميزان ♎

اخبار بتسعدك وحظ وكمان شي حلو عاطفيا ناطرك ..

بتتغير الأمور لصالحك بهاليوم ومن أفضل الايام لتفكر بطفل او تقضي اوقات حلوة و مشان هيك بدي منك تستغلو وتحسن وضعك فيه كمان الحظوظ عم تكون معك ومساعدة لتنجح وتصل وتستغل فرص مناسبة لنجاحك ..

عاطفيا .. بدي منك تتقرب من الشريك بهاليوم لان الحظ معك وحليان وجاذبيتك عالية ..

■النسبة المئوية :

●مهنيا : %87 ●ماليا : %83 ●عاطفيا : %90 ●صحيا : %81

♢ الزهرة بالجدي ♢ : بتعطيك فرصة لتغير لبيت افضل او حتى لمكان شغل يريحك وبكون في بيع لعقار عندك كان صعب ينباع وفرصة لتحسن الاوضاع العائلية كمان ..

#العقرب ♏

بشوفك بمكان جديد وشاغلتك قصة بالبيت ..

عم تنشغل بقصص بتدايقك وفي قصة عائلية ممكن تتجدد وماعم تعرف مين بدك ترضي والكل متوتر حاول تهدي الأجواء ودير بالك على صحة الأهل ويوم رح يمر بس حاول تخفف حساسيتك بهي المواضيع المصيرية عندك وكمان في شي بخص سكن او عقار عندك ..

عاطفيا .. بدي منك تركز على حبك وماتخلي وضعك يأثر على علاقتك بالشريك بهي الفترة ..

■النسبة المئوية :

●مهنيا : %63 ●ماليا : %62 ●عاطفيا : %67 ●صحيا : %60

♢ الزهرة بالجدي ♢ : من الفترات الجيدة لتعزز علاقاتك تسافر تنجح وتوصل رأيك وتكون مقنع وكمان تشتري سيارة أو موبايل الك ..

#القوس ♐

بين لقاءات عندك وسفر وامور بتخص التواصل يومك ..

يوم عم يسمحلك تنجز فيه الكتير وحلول بمجال الاوراق والدراسة وقادر تقنع بهاليوم ويكون الك طلة مميزة وحضور كمان فيك تسافر او تتلقى اتصالات كتير يعني انت محور العلاقات بهاليوم كمان عندك قصة بتخص موبايل او سيارة اذا عندك واكيد انتبه من الحوادث ..

عاطفيا .. يوم منيح وكتير في تواصل حلو مع الشريك بهيك يوم ولقاء بيسعدك ..

■النسبة المئوية :

●مهنيا : %78 ●ماليا : %75 ●عاطفيا : %70 ●صحيا : %72

♢ الزهرة بالجدي ♢ : فترة فيها مال وبتدعمك الأمور المالية وممكن شغل جديد يجبلك مردود أفضل بهي الفترة وبتكتر الهدايا يلي ممكن تجيك ..

#الجدي ♑

بشوف انو بيجيك مال بس مصاريفك عم تزيد ..

كتير عندك قصص لازم تعيد حسابها وانت مضغوط ماليا ويومك عم يكون لتفكر بشو الك وشو عليك من التزامات مالية يمكن تكون بحاجة ويمكن لازم تدفع لشخص وناطر مبلغ يجيك المهم بدي منك تفكر بشغل جديد ورح تنجح بهي الفترة ..

عاطفيا .. الوضع العاطفي عندك عم يكون متقلب وماعم تعرف تاخد قرار بدي منك تروق ..

■النسبة المئوية :

●مهنيا : %75 ●ماليا : %82 ●عاطفيا : %70 ●صحيا : %73

♢ الزهرة ببرجك ♢ : بتدعمك مهنيا وماليا وعاطفيا وبتعطيك حضور وطلة غير شكل وبتمنحك فرص لبدايات جديدة وحب جديد ..

#الدلو ♒

يوم مهم وداعم بالطاقة والحظ الك ..

بتكون متألق وساحر بحضورك وعندك طاقة كبيرة وبتطلع من تعبك وعندك يوم مميز بحظ وانطلاقة جديدة جواتك الأمور جيدة لاتخاف وفكر كيف تغير بأمورك اليوم تخلص من الماضي وفكر ببكرا بخطوات جديدة واهدافك رح تكون قدامك وعندك ناس رح تساعدك ..

عاطفيا .. جاذبيتك عالية بهاليوم وعم تكون مليان طاقة حاول تفكر بحب جديد او تحسن علاقتك بالشريك ..

■النسبة المئوية :

●مهنيا : %93 ●ماليا : %84 ●عاطفيا : %87 ●صحيا : %81

♢ الزهرة بالجدي ♢ : بتعطيك فرص للعمل ضمن موسسة كبيرة كمان ممكن تدخل علاقة عاطفية سرية ..

#الحوت ♓

ماتتسرع بشي ومرق يومك بهدوء تام ..

ماعم يخدمك هاد اليوم مشان هيك بدي تهدي وماتخاف يوم ورح يمر وترجع فيه أمورك افضل بكتير يمكن اليوم تتأجل فيه أمورك وتحسو مسكرة بوجهك وشاكك بكتير ناس طبيعي هاد الشي لاتخاف يوم ويمر وكل شي رح يتغير للأفضل عندك ..

عاطفيا .. حاول تكون حذر بمشاعرك لان مو الكل بيستاهلو حبك وتأكد من مشاعر الشريك بالأول ..

■النسبة المئوية :

●مهنيا : %57 ●ماليا : %63 ●عاطفيا : %60 ●صحيا : %59

♢ الزهرة بالجدي ♢ : بتقوي علاقاتك الاجتماعية وبتساعدك لتتعرف على اشخاص جدد ويكون في صداقة ممكن تتحول لحب وكمان مساعدة غير متوقعة من صديق بتغير كل حياتك ..